Firefox 4 Beta 1 ဟာ လက်ရှိ Firefox 3 ထက် ပိုမိုလျင်မြန်ပြီး စိတ်လှုပ်ရှားဖွယ်ရာ လှပတဲ့အသွင်အပြင်တစ်ခု အနေနဲ့လည်း တွေ့ရမှာဖြစ်ပါတယ်။ Firefox 4 ကို download ချပြီး သုံးစွဲကြည့်တဲ့အခါ အသစ်အသစ်သော Feature များအပြင် တခြား browserတွေနဲ့ ကွာခြားမှုကိုလည်း တွေ့ရမှာဖြစ်ပါတယ်။

New User Interface

Firefox 4 ရဲ့အသွင်အပြင်ဟာ Opera နဲ့ Chrome Browser တွေအပေါ်မှာ အခြေခံပြီး အရင်versionတွေနဲ့ မတူ ကွဲပြားခြားနားလာတာကို တွေ့ရပါတယ်။ Window User များအတွက် Chrome ကဲ့သို့ Tab မျာကို ထိပ်ပိုင်းအတွင် default အဖြစ်ပြုလုပ်ထားပေးခြင်းကြောင့် အမြင်ဆန်းသစ်စေမည်ဖြစ်ပြီး Button နဲ့ Menu အချို့ကတော့ Opera 10.6 နဲ့ ဆင်တူတဲ့ပုံစံပြုလုပ်ထားပါတယ်။ ဘာပဲဖြစ်ဖြစ် Menu bar ကို အစမှာမပေါ်အောင်လုပ်ထားပေမယ့် Firefox 3.6 မှာလို အရင်ပုံစံကိုလည်း ပြန်လည်ရယူ အသုံးပြုနိုင်မှာဖြစ်ပါတယ်။

Firefox 4 Beta 1 မှာ Search Bar ရဲ့နောက်၌ နောက်ထပ် Bookmark Button အသစ်တစ်ခုပါလာပြီး ကိုယ့်ရဲ့ bookmark တွေဆီကို ကလစ်တစ်ခုတည်းနဲ့ အလွယ်တကူရယူအသုံးပြုနိုင်တော့မှာဖြစ်ပါတယ်။

New Add-ons Manager

Firefox 4 မှာ နောက်ထပ်တိုးချဲ့ထည့်သွင်းထားတာကတော့ Add-on Manager အသစ်တစ်ခုဖြစ်ပါတယ်။ ဒါပေမယ့် လတ်တလောမှာတော့ interface ပိုင်းကို လုပ်ဆောင်နေဆဲဖြစ်နေတာမို့ Add-on တွေကိုထည့်သွင်း အသုံးပြုလို့မရသေးပါဘူး။ ဘာပဲဖြစ်ဖြစ် ဒါဟာ Final Version မှာသေချာပေါက်ပြီးစီးမယ်လို့ Mozilla ကဆိုထားပါတယ်။

Search and Switch to Open Tabs

ပိုမိုနှစ်လိုဖွယ်ကောင်းတဲ့ Feature လေးတစ်ခုပါပဲ။ Tabs တွေအများကြီးဖွင့်ထားပြီး တစ်ခုပြီးတစ်ခုလှည့်လည်သွားရောက်ကြည့်ရှုချင်တယ်ဆိုရင် လွယ်ကူမှာဖြစ်ပါတယ်။ Tab အသစ်တစ်ခုဖွင့်လိုက်ပါ။ URL ဒါမှမဟုတ် (page title) ၀က်ဘ်စာမျက်နှာရဲ့ခေါင်းစဉ်ကို စတင်ရိုက်ကြည့်တယ်ဆိုရင်ပဲ ဖွင့်ထားတဲ့ Tab တွေဆီကို အလွယ်တကူသွားနိုင်မှာဖြစ်ပါတယ်။

Windows 7 Integration

Firefox 4 ဟာ Windows 7 မှာပါတဲ့ Tab တွေကိုကြည့်ရှူခြင်းနဲ့ ကူးပြောင်းသွားခြင်းကို အခြေပြုလုပ်ဆောင်ထားပါသေးတယ်။ Tab preview ကိုသုံးပြီး ဖွင့်ထားတဲ့ tab အားလုံးကို လွယ်ကူစွာကြည့်ရှုနိုင်မှာဖြစ်ပါတယ်။ ဒါပြင် လျင်မြန်စွာပဲ တစ်ခုမှ တစ်ခုသို့ကူးပြောင်း ကြည့်ရှုနိုင်မှာဖြစ်ပါတယ်။

HTML5 WebM Videos Support

Firefox 4 ဟာ HTML5 WebM video တွေကို အထောက်အပံ့လုပ်ပေးနိုင်မှာလည်းဖြစ်ပါတယ်။ စမ်းသပ်မှုတွေထဲမှာတော့  HTML5 ဗွီဒီယိုတွေဟာ Firefox 4 မှာ ကောင်းမွန်စွာအလုပ်လုပ်နိုင်တာကို နှစ်လိုဖွယ်တွေ့မြင်ရဦးမှာပါ။

Speed and Other Benchmarks

Firefox 4 ဟာ ယခင် version 3.6 ထက် ပိုမိုပေါ့ပါးပြီး မြန်ဆန်တာကိုတွေ့ရပါတယ်။  ဒါဟာ အရင် version ထက် Memory သုံးစွဲမှု လျော့နည်းသွားတာ ဖြစ်ပါတယ်။ ဒါပေမယ့်လည်း Firefox 4 ဟာအမြန်ဆုံး browser မဟုတ်သေးပါဘူး။ တိုင်းတာမှုတွေမှာတော့ အမြန်နှုန်းဟာ Chrome နဲ့ Opera ရဲ့နောက်မှာပဲ ရှိပါသေးတယ်။

Other Features

Firefox 4 မှာ Flash, QuickTime နဲ့ အခြား plugins ကြောင့်ဖြစ်လာတဲ့ (Crash protection) ရုတ်တရက်ပိတ်သွားခြင်း ကိုကာကွယ်ပေးမှုလည်း ပါလာပါတယ်။ဒါကလည်း 3.6 မှာကတည်းက ထည့်သွင်းခဲ့ပြီးသားပါ။ Browser ရဲ့ ဘယ်ဘက်ထိပ်မှာ Drop down Menu တစ်ခုဖြစ်တဲ့ လိမ္မော်ရောင် Firefox ခလုတ်လေးပါဝင်လာပြီး CSS3 Canvas,CSS transitions လိုမျိုး CSS 3နဲ့ပက်သတ်ပြီးပြောင်းလဲမှုအမျိုးမျိုး နဲ့ Web Sockets ကဲ့သို့သော ၀က်ဘ်စံသတ်မှတ်ချက်များအတွက် အထောက်အပံ့များ လည်းပါဝင်လာမှာဖြစ်ပါတယ်။ Morzilla ရဲ့ အမြဲတမ်း Privacy သည် ပထမပါဆိုသည့်အတိုင်း Privacy ပိုင်းဆိုင်ရာ တိုးတက်မှုတွေလည်း ပါဝင်လာပါတယ်။

ခင်ဗျားမှာ Firefox 4 Beta 1 မရှိသေးဘူး ဆိုရင်တော့ အခုပဲ ဒီနေရာမှာ ဒေါင်းလုပ်ချပြီး ရယူသုံးစွဲကြည့်နိုင်ပါတယ်။ Firefox 4 နဲ့ပတ်သက်ပြီး Feature တွေကိုကြည့်ချင်တယ် ဆိုရင်တော့ Mozilla ရဲ့ဘလော့မှာ သွားရောက်လည်ပတ်ရင်း ဖတ်ရှုနိုင်ပါတယ်။ Web developer တွေအနေနဲ့ Feature တွေကို အပြည့်အစုံသိချင်တယ်ဆိုရင်တော့ Firefox 4 for developers မှာသွားရောက်လေ့လာနိုင်ပါတယ်။

ref: http://techie-buzz.com

အသိဥာဏ်ပညာဖြင့် အောင်မြင်သောဘ၀များကို လျှောက်လှမ်းနိုင်ကြပါစေ..

ဆောင်းချမ်းမိုး

တကယ်တော့ ဒီဇိုင်းပညာရပ်နှစ်ခုစလုံးဟာ ကျယ်ပြန့်နက်နဲလှသလို စိတ်ကူးစိတ်သန်း၊ တင်ပြမှု၊ အသွေးအရောင်၊ အသွင်အပြင် အဖက်ဖက်ကလည်း အရေးကြီးလှပါတယ်။ ကွန်ပျူတာနည်းပညာနဲ့ ဖန်တီးလုပ်ကိုင်ရတာခြင်းအတူတူ၊ ဒီဇိုင်းအခြေခံသဘောတရားတူသယောင်ယောင်ရှိပေမယ့် အနည်းငယ်ကွဲပြားခြားနားချက်တွေ ရှိနေပါတယ်။ တချို့သော ဒီဇိုင်းနာတွေက Graphic Design အပြင် Web Design ကို တွဲလုပ်ကြသလို တချို့ Web Designer တွေကလည်း Graphic Design ကိုပါ တွဲဖက်လုပ်ကိုင်လေ့ရှိကြပါတယ်။ များသောအားဖြင့်ကတော့ Web Design သီးသန့်၊ ဂရပ်ဖစ်ဒီဇိုင်း သီးသန့်ကိုပဲ လုပ်ကိုင်ဆောင်ရွက်ကြပါတယ်။ နှစ်ခုတွဲလုပ်ကိုင်ကြတဲ့သူတွေကတော့ နှစ်မျိုးစလုံးရဲ့ကွဲပြားခြားနားချက်ကို သိထားကြရပါတယ်။ သိထားမှလည်းဖြစ်ပါမယ်။

ကျနော့်အနေနဲ့ကတော့ ဒီဇိုင်းနာသမားတွေ သိထားသင့်တယ်လို့ ယူဆတဲ့အတွက် Web Design နဲ့ Graphic Design တို့၏ ကွာခြားချက်များကို  ကျနော့်အတွေ့အကြုံ၊ ကျနော့်အတွေးအမြင် ပုံစံလေးအနေနဲ့ တင်ပြလိုက်ရပါတယ်။

(၁) Layout ပိုင်း

Layout ပိုင်းအမြင်မှာတော့ Graphic Design တွေက Print ထုတ်ပြီး မြင်ရတဲ့အပိုင်းဆိုတော့ အားလုံးကို မျက်စိတစ်ဆုံးအောက်မှာပဲတွေ့မြင်နိုင်ပါတယ်။ Web Design မှာတော့ Screen ပေါ်မှာ ကြည့်ရတဲ့အတွက် Print Design နဲ့ ကွာပါတယ်။ အထူးသဖြင့် 800×600 Screen ပေါ်မှာကြည့်ရတာ ဖြစ်ပါတယ်။ ဒါကြောင့် Layout ဟာ ရှည်ရင် ရှည်သလို Scroll လုပ်ပြီး ကြည့်ရပါတယ်။ ကိုယ်လုပ်ထားတဲ့ ဒီဇိုင်းတစ်ခုကို စာရွက်တစ်ရွက်တည်းပေါ်မှာ ကြည့်ရတာနဲ့ Screen မျက်နှာစာပေါ်မှာကြည့်ရတာ အလွန်ပဲကွဲပြားခြားနားကြောင်း တွေ့ရပါလိမ့်မယ်။

(၂) Resolution

Graphic Design မှာ Resolution ကို 300 dpi ထားပြီး လုပ်ကိုင်ကြပေမယ့်။ Web Design မှာတော့ 72dpi ကိုသာ အသုံးပြု လုပ်ကိုင်ကြပါတယ်။ Graphic Design မှာ Resolution မြင့်လေ ပုံအရည်အသွေးပိုမိုကောင်းမွန်လာလေလေ ဖြစ်ပေမယ့်၊ Web Design မှာတော့ resolution မြင့်မြင့်သုံးစွဲခြင်းဟာ ပုံရဲ့ File Size ကို ပိုမိုမြင့်မားလာစေပါတယ်။ Printer တွေရဲ့ အနိမ့်ဆုံးဖော်ပြနိုင်မှုက 300 dpi ရှိပြီး၊ Computer Screen တွေရဲ့ အမြင့်ဆုံးပုံဖော်နိုင်မှုအရည်အသွေးဟာ 72dpi ပဲရှိတာကြောင့် Web နဲ့ Print မှာ ပုံထွက်အရည်အသွေးတွေက ကွဲပြားခြားနားမှုတစ်ခု ဖြစ်လာပါတယ်။

(၃) အတိုင်းအတာ

Print Design မှာ မီလီမီတာ၊ စင်တီမီတာ၊ လက်မ စသည်ဖြင့် တိုင်းတာ ခေါ်ဝေါ်သုံးစွဲကြပေမယ့်၊ Web Design မှာ pixel နဲ့သာ သုံးစွဲကြပါတယ်။

(၄) အမြင်

Print Design မှာ မိမိကွန်ပျူတာ Screen ပေါ်မှာ ပေါ်တဲ့ ဒီဇိုင်းနဲ့ Print ထုတ်ပြီး ထွက်လာမယ့် ဒီဇိုင်းမှာ အရောင်တွေ၊ အနေအထားတွေ ကိုယ်လိုချင်တဲ့ပုံစံထွက်အောင် ချိန်ညှိကြရပါတယ်။ Web Design မှာတော့ Screen အမျိုးမျိုး၊ Browser အမျိုးမျိုးနဲ့ ချိန်ညှိလုပ်ဆောင်ကြရပါတယ်။

(၅) အရောင်

Colour ပိုင်းမှာတော့  Printing ပိုင်းက CMYK Spot ကာလာကို သုံးပြီးတော့ Web ပိုင်းက RGB ကာလာကိုသာ အသုံးပြုကြပါတယ်။ Web Site တွေရဲ့ စာလုံးအရောင်၊ နောက်ခံအရောင်၊ အရောင်တိုင်းမှာ ကြိုက်တဲ့အရောင်ကို အလွယ်တကူအသုံးပြုလို့ မရနိုင်ပါဘူး။ ဒါကြောင့် Web Safe ကာလာ၊ Web Smart ကာလာတွေ ရယ်လို့ ဖြစ်လာတာပါ။

(၆) Application များအသုံးချမှု

Graphic ဒီဇိုင်းနာရော Web ဒီဇိုင်းနာပါ Application အများစုကို အတူတူသုံးပါတယ်။ Adobe Photoshop, Illustrator, InDesign စတဲ့ အသုံးချဆော့ဖ်ဝဲတွေဟာ ဒီဇိုင်းနာတွေအတွက် မရှိမဖြစ်၊ မသိမဖြစ်တွေပါ။ InDesign က ပိုအသုံးများပြီး၊ Web Designer ကတော့ Photoshop ကို အသုံးပြုမှု ပိုများပါတယ်။ အဓိကကွာခြားချက်တစ်ခုက Coding ပါပဲ။ Web Designer တစ်ယောက်က Program တွေကို ကျွမ်းကျင်ပိုင်နိုင်စွာ မရေးတတ်ရင်တောင် Program တွေကို ဘယ်လို အသုံးပြုရတယ်၊ ဘယ်လိုရေးသားရတယ်ဆိုတာ သိတဲ့သူဖြစ်နေသင့်ပါတယ်။ Graphic ဒီဇိုင်းနာတစ်ယောက်ကတော့ Programming ကိုနားလည်နေဖို့ မလိုအပ်ပါဘူး။

(၇)Publishing အပိုင်း

Graphic ဒီဇိုင်းနာတစ်ယောက်က သူ့ရဲ့ဒီဇိုင်းကို ပြုလုပ်ပြီး တကယ့်ပုံစံအနေအထားကို ပုံနှိပ်ပြီးမှ တွေ့မြင်နိုင်ပေမယ့် Web Designer တစ်ယောက်ကတော့ ချက်ချင်း Screen ပေါ်မှာ တွေ့မြင်ခံစားနိုင်မှာ ဖြစ်ပါတယ်။

(၈) Errors Fixing လုပ်ရာတွင်

Graphic ဒီဇိုင်နာတစ်ယောက်က ထုတ်ဝေပြီးနောက် ဒီဇိုင်းတစ်ခုရဲ့  အမှားကို ပြုပြင်နိုင်ဖို့ အလွန်ခဲယဉ်းလှပြီး Web Design မှာကတော့ ချက်ချင်းအလွယ်တကူ ပြုပြင်ယူနိုင်ပါတယ်။

(၉) Graphic

Graphic တွေနဲ့ ပတ်သက်ပြီး Print ပိုင်းမှာ TIFF, EPS,JPEG တွေက အဓိကအသုံးများလေ့ရှိပြီး၊ Web Design မှာတော့ JPEG, GIF နဲ့ PNG ဖိုင် format တွေကို သာသုံးပါတယ်။

(၁၀) Page Composition

Graphic ဒီဇိုင်းပိုင်းမှာ စာရွက်စာတမ်း၊ A4, A3 စသဖြင့် သုံးကြပေမယ့် Web Design ပိုင်းမှာတော့ Screen Size အကျဉ်းအကျယ်တွေကို လျာထားပြီးသုံးပါတယ်။ ဥပမာ- 800×600,1024×700 စသဖြင့်။ နောက်တစ်ခုက Graphic ဒီဇိုင်နာတွေက စာမျက်နှာ Column တွေကို fixed သတ်မှတ်ပြီး လုပ်ဆောင်ရပေမယ့်၊ Web Design မှာတော့ fixed ရော Fluid ရောလုပ်ဆောင်နိုင်ပါတယ်။ ဒီနေရာမှာ Fluid (Liquid Layout) ဆိုတာ column တွေဟာ Screen ရဲ့ အရွယ်အစားကို လိုက်ပြီးတော့ အချိုးကျ အကျဉ်းအကျယ်လုပ်ပေးနိုင်တာလို့ အကြမ်းဖျဉ်းသတ်မှတ်နိုင်ပါတယ်။

(၁၁) Fonts

Graphic ဒီဇိုင်းမှာ ကြိုက်တဲ့စာလုံး၊ အရွယ်အစား၊ အကျဉ်းအကျယ်၊ အဖောင်းအကားကို အလွယ်တကူသုံးစွဲနိုင်ပေမယ့်၊ Web Design မှာ စာလုံးတွေနဲ့ပတ်သက်ပြီး စိတ်ကြိုက်ကစားဖို့ဆိုတာ အကန့်အသန့်တွေရှိနေပါတယ်။ ကွန်ပျူတာအမျိုးမျိုး၊ Browser အမျိုးမျိုးမှာ စာလုံးတွေက ကွဲပြားခြားနားမှုရှိသွားတာကြောင့် ဖြစ်ပါတယ်။ Web Design မှာ Standard အနေနဲ့ သုံးလို့ရတဲ့ Web Safe Fonts တွေဆိုပြီးရှိပါတယ်။ တခြားစာလုံး (fonts)တွေ သုံးချင်တယ်ဆိုရင်လဲ ရပေမယ့် CSS3 ဆိုတဲ့ နည်းပညာအသစ်တစ်ခုကို ဆက်လက်လေ့လာရပါမယ်။

(၁၀)လေ့လာခြင်း

နောက်ဆုံးအနေနဲ့ ပြောရမယ်ဆိုရင်တော့ Web Designer တွေဆိုတာ Web နည်းပညာပိုင်းနဲ့အညီ Web Standard, Web Accessibility, Usability တွေနဲ့ ကိုက်ညီအောင် ပုံစံပြု ဒီဇိုင်းလုပ်ရပါတယ်။ အထူးသဖြင့် Web နည်းပညာပိုင်းနဲ့ နွယ်ယှက်နေတဲ့ အတွက် ဒီဇိုင်းပညာရပ်တွေအပြင် Web နည်းပညာရပ်တွေကိုပါလေ့လာ လိုက်စားရပါတယ်။

အချုပ်ဆိုရလျှင် ပုံနှိပ်မီဒီယာဘက်မှာလာသော ဒီဇိုင်းနာတစ်ဦးအနေဖြင့် Web ပေါ်တွင် လုပ်ကိုင်ရသောအခါ တွေ့ကြုံရမည့် ပြဿနာရပ်များနှင့် ဆန်းကြယ်လှသော ဖန်တီးမှု နည်းပညာအသစ်များကို ရင်ဆိုင်ကြရချိန်တွင် Web နှင့် Print Design တို့၏ ကွာခြားမှုများကို သိရှိထားပါက အဆင်ပြေချောမွေ့စွာလုပ်ကိုင် နိုင်မည်ဖြစ်ပါကြောင်း …

ဆောင်းချမ်းမိုး

ဆက်လက်လေ့လာသင့်သည်များ  -

Web Design (Wiki)

Graphic Design (Wiki)

Designing For Print vs. The Web

Print Design vs. Web Design – Similarities and Differences in Desktop Publishing and Web Design By Jacci Howard Bear

Understanding color for print and web

Image Resolution for Web Design & Print Design Projects

နောက်တစ်ချက်က ကျနော်တို့ ၀က်ဘ်ဆိုက်က လှပါတယ်။ ဒါပေမယ့်ကြော်ငြာ banner လေးက မလှဘူးဖြစ်နေတယ်ဆိုရင်ရော..။ တိုက်ပုံအကျီင်္နဲ့ ပိုးပုဆိုးနဲ့ဝတ်ပြီး ကြက်ပေါင်ဖိနပ်စီးသွားတာနဲ့ တူနေပါမယ်။ ဟုတ်ပါပြီ.. ဒါကြောင့် ကျနော်တို့ website banner လှလှလေးတွေ လုပ်တတ်ဖို့ လိုအပ်ပါတယ်။ ပထမဆုံး ကြော်ငြာလေးတွေ မလုပ်ခင်မှာ ဘယ်ဝက်ဘ်ဆိုက်မှာ ကြော်ငြာလေးတွေကို ဘယ်လိုလုပ်ထားတယ်။ ဘာနဲ့လုပ်ထားတယ်(ဥပမာ- ဖလက်ရ်ှဖိုင်လေးတွေလား၊ gif လေးတွေလား၊ ရိုးရိုး jpeg ပုံလေးတွေပဲလား) ဆိုတာလေးတွေကို လေ့လာကြည့်လိုက်ပါအုံး။

ကိုင်း..ကောင်းပြီ။ ကျနော်လုပ်ထားတဲ့ banner လေးတစ်ခုကို နမူနာကြည့်ရအောင်။ ဒီကြော်ငြာလေးကတော့ gif ဖိုင် animation လေးတစ်ခုပါ။ ၀က်ဘ်ဆိုက်တစ်ခုအတွက်ကြော်ငြာလေးတစ်ခုပါ။

ဒီ banner လေးမှာ အချပ်သုံးချပ်ပါဝင်ပါတယ်။ ပထမတစ်ချက်မှာ ၀က်ဘ်ဆိုက်လိုဂိုလေးရယ်၊ Headline Text (ခေါင်းကြီးစာသား) ရယ်၊ Shopping ထွက်မယ့် ကောင်မလေးတွေရဲ့ပုံလေးရယ် ပါဝင်ပြီးတော့ နောက်နှစ်ချက်မှာတော့ စာသားတွေကိုပဲ ပြောင်းပြီးလှည့်သုံးသွားပါတယ်။ လိုဂိုအရောင်နဲ့ ကိုက်မယ့် နောက်ခံကာလာအရောင်လေးရယ်၊ စာလုံးအထူအပါး၊ အကျဉ်းအကျယ်လေးတွေရယ်၊ နေရာလွတ်လေးတွေကိုဖြည့်ပီး မျက်စိပသာဒဖြစ်အောင် ဖန်တီးယူရပါတယ်။ ဖိုင်ဆိုက် (File size – 152KB) ရှိပါတယ်။ File size အနည်းငယ်ကြီးတယ်ထင်ရပေမယ့် Animation ဖိုင် တစ်ခုအတွက်ကတော့ ကြီးတယ်လို့မပြောပလောက်ပါဘူး။ တကယ်လို့သာ ကျနော်တို့က ဒီနေရာမှာ Flash နဲ့လုပ်မယ်ဆိုရင်တော့ size က ပိုကြီးသွားနိုင်ပါတယ်။

နောက်တစ်ခု ကျနော်လုပ်ထားတဲ့ ကြော်ငြာလေးကတော့ Beauty Spa တစ်ခုရဲ့ ကြော်ငြာလေးပါ။ gif animation လေးတစ်ခုပါပဲ။ Adobe Photoshop CS နဲ့ ImageReady CS တို့ကို သုံးပြီးလုပ်ထားတာပါ။ လုပ်ရတာအင်မတန်လွယ်ကူပါတယ်။ ကြိုးစားပြီး ကိုယ်တိုင်ကြော်ငြာ banner လေးတွေကို ဖန်တီးကြည့်သင့်ပါတယ်။

ဒါလေးတွေကတော့ ရိုးရိုးကြော်ငြာပုံလေးတွေဖြစ်ပါတယ်။ jpeg ဖိုင်လေးတွေပါ။

နောက်ဆုံးအနေနဲ့ အကြံပေးလိုတာကတော့ ကြော်ငြာတစ်ခုပြုလုပ်တဲ့နေရာမှာ အိုင်ဒီယာက အရေးကြီးပါတယ်။ ကိုယ့် customer တွေက ပေးချင်တဲ့ မက်ဆေ့ကို ထိရောက်ဖို့လဲ လိုပါတယ်။  ပြီးရင် အရောင်ရယ်၊ စာလုံးဖောင့်တွေရဲ့အနေအထားရယ်၊ logo နဲ့ ကြော်ငြာမှာ ပါမယ့် photo ရယ် .. ဒါတွေကိုကြည့်ပြီး ချိန်ဆရပါတယ်။ အထူးသဖြင့် အလေ့အကျင့်များများလုပ်ရင်းက လုပ်တတ်သွားမှာဖြစ်တယ်။ ဒါကြောင့် ပထမဦးစွာ ကြော်ငြာလေးတွေကို လေ့လာပါ။ လေ့လာတဲ့နေရာမှာ အယူအဆရော ဖန်တီးမှုအပိုင်းရော၊ ဖန်တီးထားတဲ့နည်းလမ်းရော၊ နောက်တစ်ခါ အဲဒီကြော်ငြာလေးတွေကို အတုခိုးပြီး ဒီထက်ကိုကကောင်းအောင် ဒီနေရာမှာဘယ်လိုသုံးရမလဲ စသဖြင့်တွေးတောကြံဆပြီး နမူနာယူလေ့ကျင့်သင့်ပါတယ်။

ဆောင်းချမ်းမိုး

ဆက်လက်လေ့လာရန်

Web Banner လေးတွေအကြောင်း (Wikipedia)

Designing a simple website banner with a logo using Photoshop

Free Banner Templates (.PSD Files / Flash Files)

Create a web banner with Photoshop

how to create a professional animated ad banner

Adobe Flash CS3 Tutorial: Creating an Animated Banner

ကြီးပွားချမ်းသာရေး ကိုယ်ကျင့်နဲ့ အိုင်စီတီ တိုးတက်မှုကို သတိပြု (ရွှေအမြုတေမဂ္ဂဇင်း)

(Dec-09)တိုးတိုးဖော် (ရွှေအမြုတေမဂ္ဂဇင်း)

စာမရေးမီ - ၀င်းငြိမ်း (ရွှေအမြုတေမဂ္ဂဇင်း)

အိုင်စီတီပညာရေးရပ်ကွက်ထဲက မြန်မာစကားပုံ MCPA Exam နှင့် myanmar-myanmar.com (ရွှေအမြုတေမဂ္ဂဇင်း)

ရွာချင်ရွာ၊ ပြားချင်ပြား မခြားလျှင် တော်တယ် (ရွှေအမြုတေမဂ္ဂဇင်း)

အင်တာနက်ပေါ်က တရားမ၀င် File Sharer များအကြောင်း အတွဲ(၁၀) အမှတ်(၃၅) (အင်တာနက်ဂျာနယ်)

လိုချင်တာကို မှန်ကန်စွာရှာ ဖွေနိုင်ပြီလား အတွဲ (၉)၊ အမှတ် (၃၅) (အင်တာနက်ဂျာနယ်)

သတင်းသမားများအတွက် ကမ္ဘာလုံးဆိုင်ရာ မြန်နှုန်းမြှင့် ကွန်ရက်နည်းပညာ (လျှပ်တပြက်ဂျာနယ်)

သိထားသင့်တဲ့ စင်ကာပူ (၁၊၂၊၃၊၄၊၅၊၆) (သံလွင်အိပ်မက်မဂ္ဂဇင်း)

ဒီတစ်ပတ် နည်းပညာအကြောင်း၊ စာရေးခြင်းအကြောင်း၊ စင်္ကာပူအကြောင်း နဲ့ပတ်သက်ပြီး ကျနော် ဖတ်မိခဲ့တာလေးတွေကို ပြန်လည်ဝေမျှခြင်းပါ။

ကျနော့်သူငယ်ချင်းများနှင့် ညီငယ်၊ ညီမငယ်တို့အတွက် အသိပညာဗဟုသုတရလိမ့်မယ်လို့ မျှော်မှန်းလျက်..

ဆောင်းချမ်းမိုး

(၁) အစွန်းအစကို ဆွဲထုတ်ခြင်း

ဘာအစွန်းအစလဲဆိုတော့ သိချင်သောအကြောင်းအရာ..၊ လေ့လာလိုသောအရာများကို ဆိုလိုပါတယ်။ ဥပမာဆိုပါတော့ ကွန်ပျူတာအကြောင်းသိချင်တာ .. ။ သွားမေးတော့ ညွှန်းလိုက်တဲ့သူကလည်း အခြေခံကနေပြီး စတင်လေ့လာပါ။ ကျွန်တော်တို့ဆီမှာ ခက်တာက လေ့လာချင်သူကလည်း အခြေခံဆိုတာကို မသိဘူးဖြစ်နေပါတယ်။ ပြသနာကတော့ ကွန်ပျူတာအကြောင်းသိချင်ရင် ကွန်ပျူတာနားကိုမသွားပဲနဲ့တော့ အပြည့်အစုံမသိရပါ။ ကျနော်ကတော့ ပရိုဂမ်းမင်းသိချင်ပါတယ်။ ကျနော်က ဟာ့ဒ်ဝဲ ။ ကျနော်က ၀က်ဘ်ဆိုက်ပိုင်း ..။ သိချင်တယ်ဆိုရင်တော့ လေ့လာရပါမယ်။ ပထမဆုံး လေ့လာစရာတွေကို ရှာဖွေရပါမယ်။ ရှာဖွေတွေ့ရှိပါက သင်ကြားဆည်းပူးရပါမယ်။

သင်ယူတဲ့နေရာမှာ (၂)မျိုးရှိပါတယ်။ ကိုယ်ကိုယ်တိုင်လေ့လာသင်ယူခြင်း ( self-study learning) နဲ့ အခပေးသင်တန်းများ၊ ပညာရပ်ကို တတ်မြောက်ထားသော ဆရာများ ထံမှ လေ့လာသင်ယူခြင်း ဆိုပြီးရှိပါတယ်။ ကိုယ်ကိုယ်တိုင်သင်ယူလေ့လာခြင်းမှ အစွန်းအစများကိုဆွဲထုတ်ယူခြင်း အကြောင်းပြောပြပါမယ်။

ကျနော်တို့ သူငယ်ချင်းတွေကြားမှာပြောကြပါတယ် .. programming, programming ဆိုပြီး။ အဲဒီနောက် Software, Software ။ အဲဒီနှစ်ခုက ဘာကွာလဲ ။ သိချင်လာပါတယ်။ အဲဒီမှာ စကားလုံးနှစ်လုံး ရတယ်။ သူတို့အကြောင်းတွေကို  ရှာဖွေတယ်။ လေ့လာတယ်။ အဲဒီမှာ , .. ထပ်သိရတယ်။ C++, VB, Java, Programming Languages များ။ VB နဲ့ programming ရေးသတဲ့။ Software ရေးသတဲ့။ အဲဒီနောက် စကားလုံးလေးတွေတွေ့တာက .net(dot Net), VB.Net, ASP.Net ။ နောက်ထပ်ကြားရတယ်။ Window Developer, Web Developer, Software Enginner .. ။ ဒါဘာလေးတွေလဲဆိုတော့ စကားလုံးအစွန်းအစလေးတွေဖြစ်ပါတယ်။ အဲဒါလေးတွေက သူဘာသာထွက်နေသည်ဖြစ်စေ၊ ကိုယ်က ဆွဲထုတ်လို့ဖြစ်စေ ထွက်လာပါတယ်။ ကိုယ့်ပတ်ဝန်းကျင်မှာ ကြားရပါမယ် .. တွေ့ရပါမယ်။

(၂) သိချင်စိတ်ဖြင့် နည်းလမ်းများကို ရှာဖွေ၍ လေ့လာခြင်း

ပထမဆုံးစာဖတ်ရပါတယ်။ ဘာစာလဲ ကွန်ပျူတာနဲ့ ပတ်သက်တဲ့ စာအုပ်တွေ ဖြစ်ပါတယ်။ များသောအားဖြင့် ကွန်ပျူတာနဲ့ပတ်သက်တဲ့ စာအုပ်တွေက အင်္ဂလိပ်လိုဖြစ်ပါတယ်။ ဒါကြောင့် အင်္ဂလိပ်စာကို စိတ်ဝင်စားပြီး ဖတ်ရှုလေ့လာနိုင်ရပါမယ်။ စာအုပ်တွေမှာ နှစ်မျိုးရှိပါတယ်။ အီလက်ထရောနစ်စာအုပ် (Ebook) နှင့် ပုံနှိပ်စာအုပ်တွေ ဖြစ်ပါတယ်။ ကျနော်တို့ဆီမှာ ကွန်ပျုတာနဲ့ပတ်သက်တဲ့စာအုပ်တွေက အင်မတန်ကို နည်းပါတယ်။

ကွန်ပျုတာနဲ့ပတ်သက်တဲ့ စာအုပ်တွေကို ဘယ်မှာရှာဖွေရရှိနိုင်မလဲ။ (၁)စာအုပ်အရောင်းဆိုင်တွေကနေ မြန်မာဘာသာနဲ့ရေးသားထားတဲ့ ကွန်ပျုတာစာအုပ်၊ ကွန်ပျုတာဂျာနယ်၊ ပီစီဝါးလ်၊ အင်တာနက်ဂျာနယ် အစရှိတဲ့ စာအုပ်တွေရနိုင်ပါတယ်။ (၂) တက္ကသိုလ် library များမှတဆင့် ငှားရမ်းဖတ်ရှုနိုင်ပါတယ်။ (၃) အင်တာနက်မှတဆင့် Ebook များကို ရှာဖွေကူးယူပြီး ဖတ်ရှုနိုင်ပါတယ်။ (၄) နီးစပ်ရာ သူငယ်ချင်းမိတ်ဆွေ အပေါင်းအသင်းများမှတဆင့် စာအုပ်များလဲလှယ်ဖတ်ရှုနိုင်ပါတယ်။ (၅) Website များမှတဆင့် လေ့လာဖတ်ရှုနိုင်ပါတယ်။

Amazon ရဲ့ Computer and Internet books တွေမှာ လိုချင်တဲ့စာအုပ်တွေရဲ့ နာမည်နဲ့ စာရေးသူကို မှတ်သားပြီး စာအုပ်တွေကို ရှာဖွေနိုင်ပါတယ်။ Library Catalogue တွေက တဆင့် ကြည့်ရှုရှာဖွေနိုင်ပါတယ်။ စင်္ကာပူနိုင်ငံရဲ့ Library တွေမှာတော့ ကွန်ပျူတာစာအုပ်အမြောက်အမြားကို အလွယ်တကူငှားရမ်းဖတ်ရှုနိုင်ပါတယ်။ စာအုပ်တွေစုံလင်ပြီး အသစ်ထွက်စာအုပ်တွေကိုလည်း ငှားရမ်းနိုင်ပါတယ်။ National University တွေမှာတော့ ကွန်ပျူတာနဲ့ပတ်သက်တဲ့စာအုပ်ဆိုရင် မရှိဘူးဆိုတာရှားပါတယ်။ ဒါကြောင့် ကျနော်တို့အတွက် Library တွေဟာ အဖိုးတန်ပါတယ်။ ထိန်းလည်းထိန်းသိမ်းတတ်ရပါမယ်။ ချစ်လည်းချစ်မြတ်နိုးတတ်ရပါမယ်။

နောက်တစ်ခုက မေးမြန်းခြင်း၊ ဆွေးနွေးခြင်း။ စာဖတ်ထားရင် အနည်းငယ်သိလာပါပြီ။ တစွန်းတစသိလာတဲ့အတွက် မေးမြန်းရပါတော့မယ်။ ကိုယ့်ထက်ကြီးသူပဲဖြစ်ဖြစ်၊ ငယ်သူပဲဖြစ်စေ ပညာရပ်တစ်ခုကို တတ်ကျွမ်းထားသူကို ဂရုတစိုက်မေးမြန်းသင့်ပါတယ်။ ဆရာကိုသော်လည်းကောင်း၊ ကျောင်းသားအချင်းချင်းသော်လည်းကောင်း ဆွေးနွေးမေးမြန်းခြင်းက ပိုမိုတိုးတက်စေပါတယ်။ နောက်တစ်ခုက အင်တာနက်မှာ မေးမြန်းခြင်းဖြစ်ပါတယ်။ အင်တာနက်မှာဘယ်လိုမေးမလဲ ။ အလွယ်ဆုံးကတော့ google မှာ ရိုက်ပြီး ရှာဖွေခြင်းပါပဲ။ ဒါလေးများလို့ မပြောပါနဲ့ .. ကိုယ့်ဘာသာရှာဖွေလေ့လာနေသူတစ်ယောက်အတွက် Google မှလွဲလို့ အားကိုးစရာမရှိခဲ့ပါဘူး။ keyword လေးတွေရှိပါတယ် ။ ဥပမာ Window XP Tips and Tricks, Disadventages and Adventages of ….. , between …. and …..  စသဖြင့် ရိုက်ရှာလေ့ရှိပါတယ်။

နောက်တစ်ခုက blog တွေ၊ forum တွေကို ဖတ်ရှုလေ့လာခြင်း။ အင်တာနက်မှာ မြန်မာဘလော့တွေ၊ ဖိုရမ်တွေ အများကြီးရှိပါတယ်။ နည်းပညာဘလော့တွေ၊ ဖိုရမ်တွေကို ဖတ်ရှုသင့်ပါတယ်။ ဥပမာ- Mystery zillion ဖိုရမ်၊ Myanmar IT Pro၊ MMShare.org ၊ စတဲ့ ၀က်ဘ်ဆိုက်တွေ အပြင်၊ တခြားဘလော့တွေ၊ ၀က်ဘ်ဆိုက်တွေကိုလည်း လေ့လာနိုင်ပါတယ်။ မြန်မာဘလော့တွေပဲ လေ့လာသင့်တာလားဆိုတော့ ..  မဟုတ်ပါဘူး။ ဒီအပေါ်မှာ အခြေယူပြီး ပိုမိုလေ့လာသွားရမှာပါ။ အကောင်းဆုံးကတော့ ကိုယ့်ထက် နည်းပညာပိုင်းအစစအရာရာသာတဲ့ နိုင်ငံတွေဆီက website တွေ၊ ဘလော့တွေကို လေ့လာရမှာဖြစ်ပါတယ်။ သူတို့ရေးသားထားတဲ့စာအုပ်တွေကို လေ့လာခြင်းသည် အကောင်းဆုံးပေါ့ဗျာ .. ။

(၃) နည်းလမ်းများအားရှာဖွေပြီးနောက်

စာအုပ်တွေဖတ်တယ်။ ဘလော့တွေဖတ်တယ်။ လေ့လာတယ်..မှတ်သားတယ်။ လက်တွေ့မလုပ်ရင်တော့ အလကားပါပဲ။ အဲတော့ ပြန်စမ်းကြပါတယ်။ ကျနော်တို့ဆီမှာတော့ Lab ခန်းတွေ မရှိပါဘူး။ အဲဒီတော့ ကိုယ့်ကွန်ပျုတာနဲ့ကိုယ်ဖတ်ထားတဲ့စာ ကိုယ့်ဘာသာစမ်းရပါတယ်။ programmer က ကိုယ့်ဘာသာစာဖတ်ပြီး program ပြန်ရေး၊ Hardware သမားကလည်း ကိုယ့်ဖတ်ထားတဲ့စာနဲ့ ကိုယ့်စက်ကိုပြန်စမ်းသပ် ။ ပျက်တဲ့အခါလည်းပျက် ။ အောင်မြင်တဲ့အခါလည်းအောင်မြင်ပါမယ်။ ကိုယ့်ဘာသာလုပ်နေရတာကိုး ..။ ဒီတော့ Hardware သမားဆိုတာ ပျက်တာကိုပြင်တာနဲ့ပဲ အချိန်ကုန်သွားပါတယ်။ အသစ်တီထွင်နိုင်ဖို့ဆိုတဲ့ ရည်ရွယ်ချက်ကိုလည်း လွှင့်ပစ်လို့ကမရပြန်သေးဘူး။ အချုပ်ပြောရရင် ဖတ်ထားတဲ့စာကို ပြန်အသုံးချရမှာ၊ ပြန်လုပ်တတ်ရမှာ ဖြစ်ပါတယ်။

ကျနော်တို့ ကွန်ပျုတာစပြီး လေ့လာခါစက ပီစီဝါးလ်မှာပါတဲ့ တချို့နည်းပညာဆောင်းပါးတွေကို နားမလည်ပါဘူး။ ကိုယ်ကမလိုက်နိုင်တာပါ။ ပစ္စည်းတွေက မြင့်တယ်။ နည်းပညာအသစ်တွေဆိုတော့ ဖတ်ရတာ နားမလည်ပါဘူး။ ဒါအမှန်တိုင်းပြောတာပါ။ ဒါပေမယ့် ၀ယ်တယ်။ တချို့နားမလည်တာကို စူးစမ်းလေ့လာတယ်။ မေးမြန်းတယ်။ တချို့နားမလည်တာတွေကို ပစ်ထားလိုက်ပါတယ်။ ၁၉၉၉ ခုနှစ်က ၀ယ်ထားတဲ့ မဂဇင်းက ၂၀၀၀ခုနှစ်မှာ ပြန်ဖတ်တော့ နားလည်သွားပါတယ်။ အဲတော့ အဟောင်းတွေကို ပြန်ပြန်ဖတ်ရင်းနဲ့ ပြန်ပြီးပညာပြန်ရပါတယ်။ ဒါက ကျနော်တို့က မလိုက်နိုင်တာပါ။ နည်းပညာအဆင့်အတန်းမှာ နိမ့်နေတယ်လို့ ပြောရမှာပါ။ နောက်ဆုံးပေါ်ပစ္စည်းအသစ်တွေ မမြင်ဘူး၊မတွေ့ဘူးပါဘူး။ အင်တာနက်မှာတွေ့ရတဲ့  ကွန်ပျူတာနည်းပညာပစ္စည်းတိုင်း ကျနော်တို့နိုင်ငံမှာမရှိဘူး။ ဒါပေမယ့် ကျနော်တို့ လေ့လာထားရပါမယ်။

အရေးအကြီးဆုံးကတော့ ကွန်ပျူတာသမားတို့ရဲ့ စိတ်ဓါတ်ပါပဲ။ ဘယ်လိုစိတ်ဓါတ်လေးလဲ ဆိုတော့ .. ။ ကျနော်တို့ ကြုံပါတယ်။ ကြုံခဲ့ဖူးပါတယ်။ program လေးအောင်မြင်သွားပြီ၊ Hardware Problem လေး ဖြေရှင်းနိုင်သွားပြီ ဆိုရင်.. ငါကွ.. တယ်တော်တဲ့ငါပါလား ဆိုတာ မြောက်သွားတတ်ကြပါတယ်။ ဒါပေမယ့် ပြသနာတွေကို မရှင်းနိုင်တဲ့အခါ၊ ကိုယ်ရေးတဲ့ program မှာ ပြသနာတွေတက်ပြီး ငါတယ်ညံ့ပါလား .. ငါလိုသေးပါလား ဆိုပြီး အားငယ်သွားကြပြန်ပါရော .. ။ အဲဒီတော့ တစ်ခုခုတတ်ပြီဆိုရင် ကိုယ့်စိတ်ဓါတ်က မြောက်သွားပြီး လွတ်မသွားစေဖို့ တခုခုမှာ အဆင်မပြေဖြစ်ခဲ့ရင်လဲ စိတ်ဓါတ်က ၀ုန်းကနဲပြုတ်ကျမသွားဖို့ အရေးကြီးပါတယ်။ ဒါကလေ့လာပြီးတဲ့နောက် သိရှိသွားရင် ဂရုစိုက်ရမယ့်အရာပါ။

အချုပ်အနေနဲ့ပြောရရင်တော့ Technology နယ်ပယ်က ကျယ်ပြန့်ပါတယ်။ ကွန်ပျူတာသမားတို့ရဲ့ လေ့လာစရာနယ်ပယ်က ပိုကျယ်ပြန့်ပါတယ်။ တစ်ခုတည်းကို ဦးတည်ပြီး လေ့လာခြင်းနဲ့ နယ်ပယ်များကို ဖြန့်ကျက်လေ့လာခြင်းမှာ ကျောင်းသားဘ၀၊ လေ့လာသူတစ်ယောက်ရဲ့ဘ၀မှာ ဖြန့်ကျက်ပြီးလေ့လာသင့်ပြီးတော့၊ Professional ဘ၀၊ အလုပ်လုပ်နေတဲ့သူတစ်ယောက်အတွက်ကတော့ ကိုယ်နဲ့သက်ဆိုင်ရာ ပညာရပ်နယ်ပယ်ကို အထူးဦးစားပေးပြီး လေ့လာလိုက်စားသင့်ပါကြောင်း ထင်မြင်မိပါတယ်။

အသိဥာဏ်ပညာဖြင့် တိုးတက်အောင်မြင်ကြပါစေ ..

ဆောင်းချမ်းမိုး

နန္ဒာသိန်းဇံ
ခရောင်းလမ်းကိုဖြတ်ကျော်ခြင်း

နိဒါန်း
ဟိုးရှေးခေတ် ရွက်သဘောင်္ကြီးတွေနဲ့ ပင်လယ်ခရီးကို ကူးသန်းသွားလာတဲ့ခေတ်က တစ်နေ့မှာ . . ပင်လယ်ထဲမှာ သင်္ဘောတစ်စင်းဟာ မုန်တိုင်းမိနေပါတယ်။ ဒီအခါမှာ သင်္ဘောကပ္ပတိန်က သင်္ဘောသား လူငယ်တစ်ဦးကို ရွက်တိုင်မကြီးပေါ်တက်ပြီး (ဖြုတ်ပစ်မှ ဖြစ်တော့မယ့်) ရွက်ကြိုးတစ်ခုကို ဖြုတ်ချုင်တယ်။ လေက သိပ်ထန်နေပေမယ့် သင်္ဘောသားလူငယ်ဟာရဲရဲဝံ့ဝံ့သွက်သွက်လက်လက်ပဲ ရွက်တိုင်မကြီးပေါ်ရောက်အောင် တက်သွားပြီး ရွက်ကြိုးကို ဖြုတ်လိုက်တယ်။ ဖြုတ်ပြီးလို့ ပြန်ဆင်းဖို့ အောက်ကို ငုံ့ကြည့်လိုက်တော့ . . . သင်္ဘောတစ်ခုလုံးဟာ ဒေါသထန်နေတဲ့လှိုင်းလေတွေထဲမှာ ရပ်တည်ရာမရ လူးလိမ့်နေတာ မြင်ရတယ်။ ဒါကို အပေါ်စီးကနေ မြင်နေရတော့ ချက်ချင်းပဲ ဒီလူငယ်မှာ သတ္တိတွေ၊ ခွန်အားတွေ ဆုတ်သွားပြီး ထိတ်ထိတ်လန့်လန့်နဲ့ မူးမိုက် မေ့မြောသလို ဖြစ်သွားတယ်။ ဒါနဲ့ သင်္ဘောကုန်းပတ်ပေါ်က သူ့သူငယ်ချင်းဆီ လှမ်းပြီး “ဟေ့ … ငါတော့ လိမ့်ကျတော့မယ်၊ လုပ်ပါအုံး” လို့ အော်ပြောတယ်။

ဒီအခါမှာ ကုန်းပတ်ပေါ်က သူ့သူငယ်ချင်းက “အောက်ကို မကြည့်နဲ့ သူငယ်ချင်း ငုံ့ကြည့်မနေနဲ့၊ အပေါ်ကိုပဲကြည့်” လို့ တအားကုန် လှမ်းအော်ပြီး သတိပေးတယ်။
သူ့သူငယ်ချင်းသတိပေးတဲ့အတိုင်း သင်္ဘောသားလူငယ်ဟာ အပေါ်ကိုပဲကြည့်ဖို့ မျက်နှာမူထားတယ်။ ဒီအခါမှာ အောက်က မူးဝေ ထိတ်လန့်စရာ မြင်ကွင်းတွေကို မမြင်ရတော့ စိတ်သက်သာရာ ရလာတယ်။ စိတ်ငြိမ်လာတယ်။ အားမာန်သတ္တိတွေလဲ ပြန်ဝင်လာတယ်။ ဒီတော့မှ သင်္ဘောသားလူငယ်ဟာ ရွက်တိုင်မကြီးပေါ်ကနေ သတိ ၀ီရိယထားဆင်းရင်း သင်္ဘောကုန်းပတ်ပေါ်ကို အောင်မြင်စွာပဲ ရောက်လာတယ်တဲ့။

ဒီလိုပါပဲ ကျွန်တော်တို့ဘ၀မှာ အဆင်မပြေနိုင်တာတွေ၊ ကျရှုံးတာတွေ၊ မျှော်လင့်သလို ဖြစ်မလာတာတွေကို တွေ့မြင်ဆုံဆည်းနေရတဲ့အခါမှာ ရှေ့ဆက်ပြီး ကြိုးစားချင်စိတ်တွေ ကုန်သွားတတ်ပါတယ်။ အားမာန်သတ္တိတွေ လျော့ကျသွားတတ်ပါတယ်။
“ငါတော့ ဒီအခြေအနေက ကျော်နိုင်တော့မှာ မဟုတ်ပါဘူး၊ ကျပါပြီ၊ ရှုံးပါပြီ၊ ဒီဘ၀ ဒီမျှနဲ့ပဲ ပြီးပါပြီ” ဆိုတဲ့ အားလျော့မှုတွေ ဖြစ်တတ်ပါတယ်။ ဒီလို အားလျော့စရာတွေကိုပဲ ပြန်ကြည့်နေ .. ငုံ့ကြည့်နေရင်တော့ ပိုပိုပြီး အားလျော့မိ၊ စိတ်ပျက်မိတာက လွဲလို့ ဘာအောင်မြင်မှုမှ ရမှာမဟုတ်ပါဘူး။
ဒီတော့ဘယ်လို အဆင်မပြေတာတွေနဲ့ဘဲ ကြုံနေကြုံနေ …ဒါတွေကို ပြန်ပြန် ငုံ့ကြည့်မနေဘဲ ကိုယ်မျှော်လင့်ထားတဲ့၊ မြင့်မြင့်မားမား ချမှတ်ထားတဲ့ ပန်းတိုင်ဆီကိုပဲ မော်ကြည့်ပြီး ပြောချင်တာကတော့ … အပေါ်ကိုပဲကြည့်ပြီး သတိဝီရိယတွေနဲ့ လုပ်သင့်တာတွေကို ဆက်လုပ်ဖို့ လိုမှာပါပဲ။

ကျွန်တော် ဒီမှာ အခုလိုလာရောက်ဟောပြောခြင်းရဲ့ပဓာနရည်ရွယ်ချက်ကတော့ မပြေချောတဲ့၊ ဒုက္ခလှိုင်းလေထန်တဲ့ မပြေမလွင် ဘ၀ခရီးစဉ်မျိုးကို ကျွန်တော်လို သွားလာရသူများပါခဲ့ရင် ခရီးသည်အချင်းချင်း ရိုင်းပင်းတဲ့အနေနဲ့ “ မိတ်ဆွေတို့ … အောက်ကိုငုံ့ကြည့်ရင်း စိတ်ဓါတ်ကျမနေပါနဲ့၊ အပေါ်ကိုသာကြည့်” လို့ သင်္ဘောကုန်းပတ်ပေါ်က လူငယ် လှမ်းအော်သတိပေးတဲ့ သတိပေးစကားကို အတုယူပြီး သတိပေးဖို့ပါပဲ။ အခုလို သတိပေးတဲ့အနေနဲ့ အခုလို ကျွန်တော်ပြောပြတဲ့အခါမှာ အတွေ့အကြုံရင့်ကျက်နေပြီဖြစ်တဲ့ ၀ါရင့်ခရီးသည် တစ်ဦးအနေနဲ့ ပြောပြတာတွေဖြစ်တယ်လို့တော့ မမှတ်ယူစေလိုပါဘူး။ ၀ါရင့်ခရီးသည် မဟုတ်သေးတဲ့အတွက် ဟိုး … ရှေ့ကသွားနှင့်ကြတဲ့ ခရီးသည်တွေဆီကတစ်ဆင့် ကြားရဖူး၊ မှတ်သားခဲ့ရဖူးတဲ့ အတွေ့အကြုံတွေ၊ သင်ခန်းစာတွေကို “တစ်ခါတုန်းက … ဤသို့ .. ဤသို့တဲ့” ဆိုတဲ့ အသုံးအနှုန်းမျိုးနဲ့သာ ခရီးသည်အချင်းချင်းရိုင်းပင်းအားပေးတဲ့အနေနဲ့ သတိပေးစကားပြောသွားမှာဖြစ်ပါတယ်။ ကျွန်တော်ပြောတာတွေကို သိပြီး၊ ကြားဖူးပြီးသားတွေ ဖြစ်နိုင်ပါတယ်။ ဒါပေမယ့် ထပ်မံပြီး သိရကြားရတဲ့အခါထပ်ပြီး သတိရတဲ့အကျိုးရှိနိုင်ကောင်းရဲ့လို့ မျှော်လင့်ပါတယ်။

မပြေချောတဲ့ ခရီးကို ကျွန်တော်တို့လို သွားရသူများမဟုတ်ဘဲ ပြေပြေလွင်လွင် အောင်အောင်မြင်မြင်နဲ့ သွားကြရသူများအဖို့တော့ အခုလို သတိပေးတဲ့အနေနဲ့ပြောပြတာဟာ ပိုပြီး ပြေလွင် အောင်မြင်သူတွေဖြစ်အောင် ကြိုးစားနိုင်ဖို့အတွက် အထောက်အကူ တစ်စုံတစ်ရာဖြစ်နိုင်ကောင်းရဲ့လို့ မျှော်လင့်မိပါတယ်။

အခန်း(၁)
ဝိုးတ၀ါးလမ်းနှင့် အတွေးအမြင် အလင်းရောင်

ဘ၀ခရီးမှာ မတွေ့ချင်၊ မဆုံချင်ပေမယ့် တွေ့လာရတာ၊ ကြုံလာရတာက ‘ဒုက္ခ’ ကိုပါပဲ။ ဒုက္ခကိုတွေ့ဆုံဖို့ ဘယ်သူမှ လွမ်းလွမ်းမောမော မတမ်းတပါဘူး။ ဒါပေမယ့် ဒုက္ခနဲ့တော့ တွေ့ကြုံရတာပဲ။ “ဒုက္ခနဲ့ဆုံဆည်းရပါလို၏၊ ဒုက္ခနဲ့ မကွဲမကွာနေရပါလို၏” လို့လဲ ဘယ်သူမှ မြတ်မြတ်နိုးနိုး ဆုမတောင်းဘူး။ ဆုမတောင်းပေမယ့် ပြည့်ပါတယ်။ ဘာကြောင့်လဲဆိုတော့ . . . ဒုက္ခနဲ့ ဆုံဆည်းနေရလို့ပဲ။ ဒုက္ခနဲ့ အစဉ်လိုလို မကွဲမကွာတွေ့ဆုံ ပေါင်းဖော်နေရလို့ပါပဲ။
ဒုက္ခကို အသွင်အမျိုးမျိုးနဲ့ကို ဘ၀ခရီးမှာတွေ့ရဆုံရတယ်။ အခက်အခဲတွေ ဘေးအန္တရာယ်တွေ အဖြစ်နဲ့လဲ ဆုံဆည်းရတယ်။ ရက်စက်မှုတွေ၊ မသမာမှုတွေ၊ တရားမမျှတမှုတွေ အနေနဲ့လည်း တွေ့ရကြုံရတယ်။
ဒီလိုကြုံတွေ့ရတဲ့အခါ …
တချို့က စိတ်ပျက်သွားတတ်ကြတယ်။ စိတ်ဓာတ်တွေကျဆင်းသွားတတ်ကြတယ်။ အခုလို အခက်အခဲတွေ၊ ဘေးရန်အန္တရာယ်တွေစတဲ့ ပြသနာတွေကို ကြုံရတာဟာ အတိတ်ကံမကောင်းလို့ဘဲလို့ ယူဆတတ်ကြတယ်။ ကံကြမ္မာပေါ်အပြစ်ပုံချတတ်ကြတယ်။ ဒီပုဂ္ဂိုလ်တွေဟာ ပြေလည်တာတွေ၊ ကောင်းတာတွေနဲ့ ကြုံတွေ့ရရင်လဲ ကံကြောင့်၊ ကံကောင်းတဲ့အတွက်ကြောင့်လို့ ယူဆတတ်ကြတယ်။ ဒီအယူအဆကို ကြည့်ရင် အတိတ်ကံကြမ္မာဟာ လူတစ်ဦးရဲ့ဘ၀ကို ကောင်းအောင်၊ ဆိုးအောင်၊ အခက်အခဲတွေနဲ့တွေ့ကြုံအောင်၊ ပြေလွင်တာတွေနဲ့ဆုံဆည်းအောင် ပြဌာန်းပေးနေတဲ့ သဘောရှိတယ်။ ဒီအယူအဆကို ခံယူထားရင် “ကြမ္မာဝါဒ” ဒါမှမဟုတ် အတိတ်ကံကိုသာ ယုံကြည်သောဝါဒ “Fatalism” ကို လုံးလုံးလက်ခံနေရာရောက်တယ်။

တချို့ကတော့လဲ ဘ၀ခရီးမှာ ကြုံတွေ့လာရတဲ့ အခက်အခဲတွေ၊ မပြေလည်မှုတွေ၊ ကျရှုံးတာတွေဟာ လောကကိုဖန်ဆင်းတဲ့ တန်ခိုးတော်ရှင် ဘုရားသခင်ရဲ့ အလိုတော်အတိုင်းတွေ့ရကြုံရတာပဲလို့ ယူဆကြတယ်။ ဘုရားသခင်ကို အချို့ကလဲ “ငါတို့ကို အခုလို အခက်အခဲတွေ၊ ဒုက္ခအန္တရာယ်တွေနဲ့ ဘုရားသခင်က ဘာကြောင့်တွေ့ကြုံဆုံဆည်းစေချင်ပါလိမ့်” ဆိုတဲ့ သံသယနဲ့ ဘုရားသခင်အပေါ် မ၀ံ့မရဲအပြစ်တင်ကြတယ်။ ဒီလို ယုံကြည်သူဟာ အတိတ်ကံကြမ္မာကိုသာ ယုံကြည်သူနဲ့ မခြားနားပါဘူး။ ဒီလိုယုံကြည်နေရင် အခက်အခဲတွေ၊ ဘေးအန္တရယ်တွေနဲ့ တွေ့ကြုံတဲ့အခါ ပျော့ညံ့သူ၊ အရှုံးပေးသူ ဖြစ်နိုင်ပါတယ်။ ပစ္စုပ္ပန်ဥာဏ်၊ ၀ီရိယအားတွေကို မစိုက်ထုတ်မိဘဲ တွေဝေသူလဲဖြစ်နိုင်တာပဲ။ ကိုယ့်ဘ၀ကို ကိုယ်မပိုင်တော့သလိုလဲ ဖြစ်သွားနိုင်တယ်။

တချို့ကတော့လဲ အခက်အခဲတွေ၊ ဘေးအန္တရယ်တွေနဲ့ ကြုံလာတဲ့အခါ ကမူးရှူးထိုး စိတ်လိုက်မာန်ပါ ဖြေရှင်းတတ်ကြတယ်။ အကြမ်းပတမ်း ရင်ဆိုင်တတ်ကြတယ်။ ဒါဟာ အခြေအနေကို မှန်မှန်ကန်ကန်ရှုမြင်ပြီး လုပ်တာမဟုတ်တော့ အပြုအမူတွေဟာ မှားနိုင်တယ်၊ ရမ်းကားတဲ့ အပြုအမူမျိုးတွေ ဖြစ်သွားနိုင်တယ်။ ကြောက်ကန်ကန်ခြင်းမျိုးတွေလဲ ဖြစ်နိုင်တယ်။ ဒီနေ့ကမ္ဘာမှာ ကြောက်ကန်ကန်ပြီး အကြမ်းဖက်တဲ့ ၀ါဒတွေ “Terrorism” ကို ခံယူပြီး ပြသနာတွေကို ဖြေရှင်းနေသူတွေလဲ ရှိကြတယ်။ အကြမ်းဖက်ခြင်းအားဖြင့် အခက်အခဲတွေကို ကျော်လွှားနိုင်ဖို့မလွယ်ဘူး။ အောင်မြင်မှုရဖို့ မလွယ်ဘူး၊ မအောင်မြင်တဲ့အခါ လူဟာ တွေဝေသွားပြန်တာပဲ။ တွေဝေတဲ့စိတ်၊ တွေဝေတဲ့အမြင်ရှိလာရင် လူ့ဘ၀ လူ့လောကကြီးတစ်ခုလုံးကို အချည်းအနှီး လူ့လောကကြီးအဖြစ်၊ အချည်းနှီးသော၊ အဓိပ္ပာယ်မဲ့သော ဘ၀ကြီးအဖြစ် ထင်မြင်ယူဆတဲ့ “အချည်းအနှီး အဓိပ္ပာယ်မဲ့ဝါဒ” Nihilism ကို ခံယူလာတတ်တယ်။ သုံးသပ်မှု မမှန်ရင်၊ ရှုမြင်မှု မမှန်ရင် ခံယူချက်၊ ယူဆချက်တွေ မှားတတ်တာပဲ။

ဒီတော့ အခက်အခဲတွေ၊ ဘေးအန္တရာယ်တွေကို ကြုံလာတဲ့အခါ မှန်ကန်တဲ့သဘောထား၊ အစွန်းမရောက်တဲ့ အမြင်၊ ပဓာန အကျဆုံး အကြောင်းအရာကို သိတဲ့အသိနဲ့ ရင်ဆိုင်ဖြေရှင်းတတ်ဖို့ လိုမှာပဲ။ ဒါကိုပြောရင်းနဲ့ အဖြစ်အပျက်ကလေးတစ်ခုကို အမှတ်ရမိတယ်။ . . . . . .

သူ့ပန်းချီပုံလေးတွေကြည့်ချင်ရင်တော့ graphicdesignblog.org ဆိုတဲ့ ၀က်ဆိုက်မှာသွားရောက်ကြည့်ရှုနိုင်ပါတယ်။

www.luminn.com ( လူမင်း – ရုပ်ရှင်သရုပ်ဆောင်)

www.lwinmoe.com ( လွင်မိုး – ရုပ်ရှင်သရုပ်ဆောင်)

www.yarzarnewin.com ( ရာဇာနေ၀င်း – ရုပ်ရှင်သရုပ်ဆောင်)

www.minmawkunn.com ( မင်းမော်ကွန်း – ရုပ်ရှင်သရုပ်ဆောင်၊ အဆိုတော်)

www.saisaionline.com ( စိုင်းစိုင်းခမ်းလှိုင် – အဆိုတော်နှင့် ရုပ်ရှင်သရုပ်ဆောင်)

www.alex-pyuu.com ( အဲလက်စ် – အဆိုတော်)

www.phoechit.com ( ဖိုးချစ် – သရုပ်ဆောင်၊ ဇာတ်မင်းသား)

www.hanzarmoewin.com (ဟန်ဇာမိုးဝင်း – သရုပ်ဆောင်၊ ဇာတ်မင်းသား)

www.htunaeindrabo.com (ထွန်းအိန္ဒြာဗိုလ် – ရုပ်ရှင်သရုပ်ဆောင်၊ အဆိုတော်)

www.nawaratt.com ( န၀ရတ် – ရုပ်ရှင်သရုပ်ဆောင် )

www.nansuyatisoe.com ( နန်းဆုရတီစိုး – အဆိုတော် )

www.rebeccawin.com ( ရေဗက္က၀င်း – အဆိုတော် )

www.wynesukhinethein.com ( ၀ိုင်းဆုခိုင်သိန်း – အဆိုတော်၊ သရုပ်ဆောင် )

www.zinzinzawmyint.com (ဇင်ဇင်ဇော်မြင့် – သရုပ်ဆောင်)


www.yadanarpon.com (ရတနာပုံ – သရုပ်ဆောင်)

သိပ်ချစ်စရာကောင်းတဲ့ အရာလေးပါ။ ကျနော် သူမရှိရင်မနေတတ်တော့ဘူး။
အမှန်ပါပဲ..။ မိဝေးဖဝေး မိသားစုနဲ့ဝေး၊ ညီအကိုမောင်နှမတွေနဲ့ဝေး၊ သူငယ်ချင်းတွေနဲ့ဝေး၊ အမိမြေနဲ့ဝေး၊ ဟိုအဝေးတစ်ပြည်ရပ်ခြားမှာ ကျနော့််အနားမှာရှိနေတတ်တဲ့ အဖော်၊ ကျနော့်ရဲ့ချစ်လှစွာသော ရောင်းရင်း၊ ကျနော့်ရဲ့ အားကိုးရတဲ့မိတ်ဆွေ၊ ကျနော့်ရဲ့ပညာသင်ဖက် သူငယ်ချင်း၊
အဲဒီလို လက်ပတော့လေးဟာ ကျနော့်ရဲ့အလင်းရောင်လေးတစ်ခုလဲ ဖြစ်ရဲ့ ..

ငယ်ငယ်တုန်းက ထီပေါက်ရင်ဘာဝယ်မလဲလို့ စိတ်ကူးယဉ်မိတဲ့အခါ ကျွန်တော်လိုချင်ခဲ့တာ Laptop တစ်လုံးပါ။ Laptop တစ်လုံးနဲ့ ကောင်မလေးတစ်ယောက် ဘယ်ဟာကိုရွေးမလဲဆိုရင် Laptop လေးကိုပဲရွေးချယ်မိမှာအမှန်ပါပဲ။ ဘယ်လိုမှ မပစ်ပယ်နိုင်ပါဘူး။ ကျနော်ကွန်ပျူတာကိုစွဲလန်းခဲ့တာ ဆယ်နှစ်ကျော်ခဲ့ပြီပဲ။ ကျနော်တို့သံယောဇဉ်က ဆယ်နှစ်ကျော်ခဲ့ပြီလေ။ အဲဒီတော့ သံယောဇဉ်က ကြီးလွန်းလှတာပေါ့။

အခုဆို ပိုဆိုးလာပါတယ်။ မီးပျက်တယ်ဆိုတာလဲမရှိတော့ သူနဲ့ကျနော် ဆက်ဆံရေးက အမြဲလက်ပွန်းတတီး ဖြစ်နေခဲ့တယ်လေ။ သူ့ခလုပ်ကလေးတွေပေါ်မှာ ကျနော့်လက်ကလေးတွေ ပြေးလွှားရင်း အင်တာနက်လှိုင်းလုံးတွေပေါ် ကျနော်ကစားရတာ ပျော်တယ်။ ကိုယ့်ပြသနာတွေ သူကရှင်းပေးလိုက်၊ သူ့ပြသနာတွေ ကိုယ်ကရှင်းလိုက်နဲ့ လမ်းခရီးတစ်လျှောက်အတူတူ ပုခုံးဖက်သွားရတာ .. ပျော်တယ်။

တခါတလေလည်းကျနော်က သူ့ကိုစိတ်ဆိုးစိတ်ကောက်တတ်ပါသေးတယ်။ အချိန်အတော်ကြာအောင်ပစ်ထားမိတတ်ပေမယ့် ကျနော်မနေနိုင်ပါဘူး။ ကျနော်ပြန်လည်ဖက်တွယ်မိတတ်ပါတယ်။
အင်တာနက်နဲ့ လက်ပတော့သာရှိမယ်ဆိုရင် ကျနော့်လိုချင်တာတွေ အမှန်မုချ ဖြစ်လာရမှာပဲ။ သူလက်ကိုတွဲ ကျနော် ရဲရဲကြီး ကြုံးဝါးခဲ့ဖူးတယ်။ အဲဒီလို သူဟာ ကျနော့်အတွက် ထာဝရမိတ်ဆွေကောင်းတစ်ယောက်ဖြစ်ခဲ့တာပါ။

(ခ)
မိုဘိုင်းဖုန်း

ကျနော်က ပကာသနတွေကို မက်မက်မောမောစားသုံးတတ်သူ မဟုတ်ပါ။
ကျနော့်မှာ လက်တလော ဟမ်းဖုန်းလေးတစ်လုံး ရှိပါတယ်။ ဖုန်းလေးရခါစကတော့ ဖုန်းပြောရုံ မက်ဆေ့ပိုရုံကလွဲလို့ ဘာလုပ်ရမှန်းမသိလို့ စိတ်မ၀င်စားခဲ့ဖူးပါဘူး။ နောက်တော့ ပျင်းတဲ့အခါ လျှောက်ပြီးကလိရင်းက ဂိမ်းကစားတတ်လာတယ်။ တွေ့သမျှအမှတ်တရဆိုပြီး ဓါတ်ပုံတွေရိုက်ရင်း ဖုန်းလေးနဲ့ ကင်မရာလေးကိုသဘောကျလာပါတယ်။ သီချင်းဝါသနာပါတဲ့သူမို့ နားကြပ်လေးတတ်ပြီး သီချင်းလေးတွေနားထောင်တတ်ပါတယ်။
ဘလူးတုလေးသုံးလိုက်၊ USB လေးသုံးလိုက်နဲ့ သူနဲ့ ကျနော့်လက်ပတော့လေးနဲ့က သူငယ်ချင်းဖြစ်သွားပါတော့တယ်။
ပန်းခြံထဲမှာထိုင်ပြီး ကဗျာရွတ်ရင်း ဖုန်းလေးနဲ့ ကိုယ့်အသံကိုသွင်းတယ်။ ငယ်ငယ်တုန်းက အကြောင်းအရာလေးတွေ ပြန်စဉ်းစား၊ ငယ်ငယ်တုန်းက ကလေးကဗျာလေးတွေပြန်ဆိုပြီးတော့ အသံသွင်းဖြစ်တယ်။ အဲဒီဖုန်းလေးက ချစ်စရာလေးပါဗျာ။

ကျနော်ပေါ့ဆမိလို့ ကုတင်ပေါ်က ပြုတ်ကျရတာလဲ အခါခါ။ တခါမှလည်းကွဲသည်နာသည်မရှိ။ အကြမ်းပရမ်းအတော်ခံသည့်ကောင် ..။

မနက်ခင်းသူ့ကျပြန်တော့လည်း သူ့ကိုပဲ အားကိုရတယ်။ ကျနော့်မှာ နှိုးစက်နာရီမရှိတော့ ..။ သူ့ကို နှိုးခိုင်းရတယ်။ ကျနော့်အတွက် နာရီဆိုလဲ..သူ။ ပြက္ခဒိန်ဆိုလဲ..သူပဲပေါ့။

အလုပ်အားတဲ့ရက် ညီအစ်ကိုတတွေ၊ သူငယ်ချင်းတတွေ တွေ့ကြဆုံကြဖို့ချိန်းတဲ့အခါ… မြန်မာပြည်က မိသားစုတွေ၊ သူငယ်ချင်းတွေဆီဖုန်းဆက်တဲ့အခါ.. သူရှိနေတော့ ကျနော့မှာ တော်တော်လေးအဆင်ပြေပါတယ်။

တစ်နေ့က တော့ မျက်နှာငယ်လေးနဲ့ ကျနော့်ကို ခပ်တိုးတိုးလေးလာပြောပါတယ်။ ကျနော်က သူ့ကို အသုံးချလို့ရလို့ပေါင်းတာပါတဲ့။ ကျနော့်အတွက် မလိုအပ်တဲ့တစ်နေ့ကျရင် သူ့ကို စွန့်ပစ်သွားမှာသူသိပါတယ်တဲ့။
ကျနော်သနားသွားပါတယ်။ ကျနော် သူ့ကိုသံယောဇဉ်တွယ်နေမိပါပြီ။ ကျနော့်စိတ်ထဲမှာလဲ သူ့ကို မစွန့်ပယ်နိုင်တော့ပါဘူး။ ကျနော့်အတွက် အသုံးဝင်လွန်းလို့ မြတ်မြတ်နိုးနိုး တန်ဖိုးထားပါတယ်။ ကျနော်သွားလေရာမှာ သူအမြဲပါပါတယ်။ အဲဒီလိုနဲ့ ဖုန်းကလေးက မေ့ကျန်ခဲ့လို့မရတဲ့ အရာတစ်ခုဖြစ်လာပါတော့တယ်။

(ဂ)
ဂစ်တာတစ်လက်

ခင်ဗျားတို့ … လူငယ်ဘ၀ကို ဘယ်လိုဖြတ်သန်းခဲ့ကြပါသလဲ။
ကျနော်.. ဂစ်တာတစ်လက်နဲ့ ဖြတ်သန်းခဲ့ပါတယ်။
အဲဒီလို ဂစ်တာတေးသံတွေနဲ့အတူ ကျနော်နဲ့ ကျနော့် ဂစ်တာလေးဟာလည်း ဆွတ်ပျံ့လွမ်းမောဖွယ်ရာညတွေရဲ့ လရောင်လွင်ပြင်မှာ အတူတူဖြတ်သန်းခဲ့ကြဖူးပါတယ်။
ရပ်ကွက်ထဲမှာ၊ လမ်းမပေါ်မှာ၊ အဆောင်ရှေ့မှာ၊ အိမ်ရှေ့ကွပ်ပျစ်ပေါ်မှာ … ဂစ်တာလေးကိုထွေးပိုက် ကြည်နူးစရာတေးသံလေးတွေ၊ လွမ်းဆွတ်စရာ တေးသီချင်းလေးတွေကို ဖန်ဆင်းခဲ့ဖူးတယ်။

စိတ်ညစ်ညူးစရာမှန်သမျှ ဂစ်တာတီးပြီးသီချင်းဆိုလိုက်ရင် အားလုံးက ပြေလျော့သွားခဲ့ပါတယ်။ တစ်ခုခုကြောင့် အဆင်မပြေဒေါသထွက်လာတဲ့အချိန်၊ စိတ်မကြည်မလင်ဖြစ်တဲ့ အချိန်တွေမှာ ဂစ်တာလေးက ကျနော့်ရဲ့ စိတ်ထွက်ပေါက်၊ စိတ်ဖြေသိမ့်စရာ အရာလေးတစ်ခုဖြစ်ခဲ့တာပါ။ ဂစ်တာကြိုးလေးတွေပေါ်မှာ ကျနော့်လက်ချောင်းလေးတွေ ပြေးလွှားတဲ့ အချိန်၊ ခပ်တိုးတိုးလေး ညည်းဆိုလိုက်တဲ့ သီချင်းစာသားအပိုင်းအစတစ်ချို့ … အဲဒီလို ကျနော့်ရင်ခုန်သံတွေကို ဂစ်တာလေးနဲ့ ခြွေ..ခြွေ ချခဲ့ဖူးတယ်။

အခုတော့ကျနော့် ဂစ်တာလေးကို လွမ်းနေတယ်။
အခန်းထောင့်မှာထောင်ထားတဲ့ ကြိုးလျော့နေတဲ့ ဂစ်တာလေးတစ်လက်ဟာ သူ့သခင်ရဲ့ ထွေးပွေ့မှုကို မျှော်လင့်တကြီး စောင့်စားနေရှာမှာပဲ။ ဂစ်တာလေးသာ စကားပြောတတ်မယ်ဆိုရင်လေ .. သူလဲ ကျနော့်ကို လွမ်းနေတာပါလို့ ပြောမှာသေချာပါတယ်။

လူငယ်ဘ၀မှာ ဂစ်တာလေးနဲ့အတူ ဖြတ်သန်းခဲ့ရတဲ့အတွက် ဂစ်တာလေးကို ကျေးဇူးအများကြီးတင်မိတယ်။ သူ့ကြောင့် ကျနော့်စိတ်ထွက်ပေါက်တွေ မကောင်းတဲ့နေရာကို ရောက်မသွားခဲ့တာပေါ့။ စိတ်ညစ်လို့ အရက်မသောက်ဘူး.. စိတ်ညစ်လို့ ဂစ်တာတီးတယ်။ အသည်းကွဲလို့ အရက်မသောက်ဘူး .. အသည်းကွဲလို့ ဂစ်တာတီးလိုက်တယ်။

သူငယ်ချင်းတွေ အပြင်သွားရအောင်လာခေါ်ကြတဲ့အခါ ကျနော်.. ဂစ်တာတီးနေတတ်ပါတယ်။ ထမင်းစားရအောင်လို့ မေမေလာခေါ်တဲ့အခါ ကျနော်.. ဂစ်တာတီးနေတတ်ပါတယ်။ ဂစ်တာနဲ့ ကျနော်၊ ကျနော်နဲ့ ဂစ်တာက ခွဲလို့မရတဲ့ အရာတစ်ခုပါ။

အခုလား….
အခု ကျနော်ဂစ်တာတီးနေတယ်လေ..
ကျနော့်ဂစ်တာလေးမဟုတ်တဲ့ ဂစ်တာတစ်လက်ကိုပေါ့ ။
တချိန်က အတူတွဲခဲ့ဖူးတဲ့ ဂစ်တာလေးရယ်..ငါ့ကို ခွင့်လွှတ်ပေးပါကွယ်…

(ဃ)
ကော်ဖီတစ်ခွက်

ကျနော်ကတော့ စူပါမှ စူပါပဲဗျာလို့ ကိုလွင်မိုးကဆိုလာတော့ ကျနော့်ကိုယ်ကျနော် ပြုံးမိပါတယ်။ ကျနော်ကတော့ ကော်ဖီမှကော်ဖီပဲဗျာလို့လဲ သူ့လိုမျိုး လိုက်ပြောဖြစ်တယ်။

ကျနော် အရင်က လဘက်ရည်ကိုကြိုက်ခဲ့တယ်။ အညာသားတွေက အချိုကြိုက်တယ်လေ။ ချိုစိမ့်တို့ ဖန်ချိုတို့ပေါ့။ လဘက်ရည်ဆိုင်ထိုင်တာကိုက အလုပ်တစ်ခုလိုမျိုးပဲ။ သွားနေကျမသွားရရင် မနေနိုင်ဘူး။ အဲလိုပဲ သောက်နေကျ မသောက်ရရင်လဲ မနေနိုင်ခဲ့ဘူး။ လက်ဘက်ရည်ဆိုင်မှာ ကျနော်တို့ သူငယ်ချင်းတစ်စုတွေက လဘက်ရည်လေး၊ ကော်ဖီလေးတွေကို အရသာခံသောက်ရင်း စကားပြောနေကျ၊ ငြင်းခုန်နေကျကိုး။

နောက်ပိုင်းမှာ မနက်ခင်းကျောင်းသွားတယ် ကော်ဖီနဲ့မုန့်ကျွတ် (ရွှေကျီးမုန့်ကျွတ်ဗျ)၊ ကျောင်းမှာ ကင်တင်းန်ထိုင်တော့လဲ စူပါကော်ဖီ၊ ကျောင်းကပြန်လာ ၇၃လမ်း၊ ယူနီစန်မှာ သူငယ်ချင်းတတွေ ထိုင်ကြတော့လည်း စူပါ၊ ညပိုင်း စာကြည့်တဲ့အခါ သောက်မိတာကလည်း စူပါကော်ဖီပါ။ လဘက်ရည်ဆိုင်မှာ ကျနော်လက်ခုပ်တီးလိုက်ရင် စာပွဲထိုးလေးတွေက စူပါတစ်ခွက် အမြန်လာချပေးလေ့ရှိပါတယ်။ အဲဒီလိုနဲ့ ကော်ဖီက ကျနော့်ဘ၀ထဲကို တစ်စတစ်စ ၀င်ရောက်လာခဲ့တယ်။

ကော်ဖီတစ်ခွက်ဟာ စွဲမက်ဖွယ်ရာကောင်းပါတယ်။ ဆွေမျိုးမေ့အောင်ကောင်းတဲ့ အရသာဟာ ကော်ဖီတစ်ခွက်ပါပဲ။
အခုတော့စူပါကနေ နက်စ်ကဖေး(အ၀ါ)ကို ပြောင်းပြီး သောက်ဖြစ်ပါတယ်။ အရသာက နည်းနည်းလေး ကွဲလွဲနေပါတယ်။ ဒါပေမယ့်ကော်ဖီကြိုက်တဲ့လူကတော့ ကော်ဖီလေးသောက်နေရရင် ကျေနပ်နေတာပါပဲ။ ဒါပေမယ့် လွမ်းစရာကောင်းတဲ့အရသာလေးကတော့ စူပါကော်ဖီမစ်ပါပဲဗျာ။

မေမေက ကော်ဖီသောက်ရင် မကြိုက်ပါဘူး၊ ကော်ဖီသောက်ရင် တတွတ်တွတ်ပြောနေတတ်ပါတယ်။ ကော်ဖီသောက်တာများတဲ့နေတွေဆို ဂစ်တာတီးလိုက် ကွန်ပျုတာသုံးလိုက်နဲ့.. မိုးလင်းသွားတတ်ပါတယ်။ ကျနော်ကလည်း ကော်ဖီဆို အနည်းဆုံးတစ်နေ့သုံးခွက်ပါပဲ။ အဲဒီလိုကော်ဖီက ကျနော့်ရဲ့ အချစ်ဆုံးလေးပါ။

ကဗျာဆရာကြီး အိုမာခရမ်ရေးခဲ့တဲ့ ကဗျာလေးကို သတိရမိပါတယ်။
“သစ်ရိပ်အောက်မှာ
ပေါင်မုန့်တစ်ချပ်
ဝိုင်တစ်ခွက်နဲ့
ချစ်သူသာအနားမှာရှိနေမည်ဆိုပါလျှင်
လောကဟာ ပြည့်စုံဖွယ်အတိ
ဖြစ်နေပါလိမ့်မည်..” တဲ့။

ကျနော်အတွက် ကတော့ လက်ပတော့တစ်လုံး၊ မိုဘိုင်းဖုန်းနဲ့ ဂစ်တာတစ်လက်၊ ကော်ဖီတစ်ခွက်သာ ရှိနေခဲ့မယ်ဆိုရင်လေ..
ချစ်သူတစ်ယောက်မလို..
လောကကြီးဟာ ပြီးပြည့်စုံသွားပါတော့တယ်။

ဆောင်းချမ်းမိုး

ငါသတိရခြင်းများစွားနဲ့ စာရေးလိုက်ပါတယ်ကွာ..
မင်းရော အလုပ်အကိုင်တွေအဆင်ပြေရဲ့လား..
မတွေ့ရတာလဲ ကြာပြီကွာ။ အရင်ကလို လက်ဖက်ရည်ဆိုင်ထိုင်ရင်း သူငယ်ချင်းတစ်တွေ ရောက်တတ်ရာရာ မပြောရတာ ကြာပြီနော်။
ငါကတော့ ဒီမှာ မင်းတို့ကိုတအားသတိရတယ်။ ဘာပဲဖြစ်ဖြစ် မင်းတို့ဒီကိုလာမယ်ဆိုရင်တော့ ပိုကောင်းမယ်။ မင်းတို့ အမြင်ပိုကျယ်တာပေါ့ကွာ..။ ဒီမှာကတော့ လူမျိုးပေါင်းစုံဆိုတော့ နိုင်ငံတကာ ယဉ်ကျေးမှုပေါင်းစုံ၊ အသွင်အဆန်း၊ ဒီဇိုင်းပေါင်းစုံ ပေါ့ကွာ။ ပြောရရင် ဒီနိုင်ငံက အရှေ့လိုလို အနောက်လိုလို လူတွေနဲ့ယဉ်ကျေးမှုတွေက တအားရောယှက်နေတယ်။ ငါတို့နိုင်ငံမှာတော့ မြန်မာယဉ်ကျေးမှု မြန်မာဒီဇိုင်း မြန်မာစာလုံးတွေနဲ့ ကိုယ်ပိုင်အနုပညာတွေရှိကြပါတယ်။ ဒါပေမယ့်ကွာ ငါ့အမြင်ကတော့ ဒီဇိုင်နာတစ်ယောက်ရဲ့ စိတ်ကူးစိတ်သန်းတွေဟာ သူ့အမြင်သူ့အာရုံတွေပေါ်မှာ မူတည်နေတယ်လို့ထင်တယ်ကွာ။
နေရာဒေသတစ်ခုနဲ့ တစ်ခုတောင်မှ ဒီဇိုင်းအမြင်မတူကြသေးတာကွာ။ ငါတို့ မြန်မာဒီဇိုင်းနာတွေ နိုင်ငံတကာကို ၀င်ဆန့်နိုင်ဖို့ ဆိုတဲ့နေရာမှာ နည်းပညာတစ်ခုတည်းတင်မဟုတ်ပဲ ဖန်တီးနိုင်တဲ့ အရည်အချင်းတွေနဲ့ စိတ်ကူးစိတ်သန်းတွေ ရှိဖို့ရာ အဓိက အရေးကြီးတယ်လို့ ငါမြင်တယ်ကွာ။

ငါတို့ပြောခဲ့တဲ့အတိုင်းပဲ Photoshop လောက် Illustrator လောက်တတ်ပြီး၊ Graphic Design Software Tools တွေကိုသုံးတတ်ရုံနဲ့ ဒီဇိုင်နာ မဖြစ်ဘူးဆိုတာလေကွာ။ မှတ်မိကြမှာပေါ့။ ဒီမှာက Graphic Designer တွေအတွက် အလုပ်ခေါ်ရင် Art School ကပြီးတာလား Graphic Design ကျောင်းကပြီးတာလား စသဖြင့် ကြည့်တတ်ကြပါတယ်။ ငါတို့ဆီမှာကတော့ သင်တန်းတွေမှာ Photoshop, Illustrator သင်ပြီးရင် Graphic Designer ဖြစ်ပြီလို့ထင်နေကြပါတယ်။ ဒီအဆင့်ဟာ အသက်မွေးဝမ်းကြောင်းအဖြစ် စနိုင်ရုံပဲရှိပါဦးမယ်။ ငါတို့ ငြင်းခုံခဲ့ကြသလိုပဲ Creative က အဓိကပဲ။ ဒါပေမယ့် အဲဒီထက် အဓိကကျတာက ဒီဇိုင်းအမြင်ရှိဖို့ပဲ။

မောင်ထင်ရေ..
မင်းနဲ့ပေါင်းပြီး ဆိုင်းဘုတ်ဒီဇိုင်းတွေ ငေးခဲ့ရာက ငါမှာ ဆိုင်းဘုတ်တွေမြင်ရင် ဒီဇိုင်းတွေကို လိုက်ကြည့်တတ်တဲ့ အကျင့်က စွဲနေပါပြီ..။ မှတ်မိပါသေးတယ်ကွာ .. အရောင်က ဘာကိုသုံးထာတာ၊ ဘယ်လိုအရောင်တွေစပ်ထားတာ၊ Fontက အထူ၊အပါး ဘယ်လို၊ စောင်းထားတာ၊ အနားတွေဘယ်လိုကွပ်ထားတာ၊ စသဖြင့် ငါတို့တွေ လမ်းဘေးဝဲယာတစ်လျှောက် တွေ့သမျှကြော်ငြာဆိုင်းဘုတ်တွေ၊ မြင်သမျှ ဒီဇိုင်း၊ ပန်းချီ၊ ဓါတ်ပုံတွေကို လေ့လာဝေဖန်သုံးသပ်ခဲ့ကြတာတွေ..။ အဲဒီလို ငါတို့တွေဟာ လေ့လာစရာ နယ်ပယ်ကျဉ်းကျဉ်း၊ ဘောင်ကျဉ်းကျဉ်းလေးထဲမှာ ငါတို့ရဲ့အမြင်တွေကိုတော့ တတ်နိုင်သလောက် ဖွင့်ထားနိုင်ခဲ့ကြတယ်လေ..။ ပြီးတော့ မင်းက ဒီဇိုင်းတစ်ခုလုပ်ပြီဆိုရင် တော်တော်လေးကို စိတ်ရှည်တတ်တယ်။ မင်းစိတ်တိုင်းကျပြီဆိုမှ လွှတ်တတ်တယ်။ ဒီရောက်တော့ ငါ မင်းကို ပိုသတိရတာပေါ့..။

အလုပ်ထဲမှာ ပေါင်းရတာတွေကလည်း Graphic Designer တွေဆိုတော့ ငါမင်းကို ပိုသတိရတယ်။ ပြီးတော့ လုပ်ငန်းထဲက အတွေအကြုံတွေ တချို့ကို ငါ မင်းကိုပြောပြချင်တယ်။ မင်း စိတ်ဝင်စားမယ်ဆိုတာလဲ ငါသိတယ်။

(၁) အသုံးချ ဆောဖ်ဝဲများ
ဒီမှာက ဒီဇိုင်နာတွေက Adobe InDesign ကို အဓိကထား သုံးကြတယ်။ InDesign ထဲမှာပဲ အကုန်လုပ်တယ်။ Publishing ပိုင်း ဆိုတော့ Indesign က အဓိကပဲလေ။ ငါတို့ မြန်မာပြည်မှာကတော့ PageMaker ပေါ့ကွာ။ ဒါပေမယ့် PageMaker က အဝေးကြီးမှာ ကျန်ခဲ့ပါပြီ။ InDesign က သုံးရတာ တော်တော်လေး ကောင်းပါတယ်။ နောက် Vector ပုံတွေအတွက် Adobe Illustrator နဲ့ Photo တွေ အတွက် Adobe Photoshop ကိုသုံးကြတယ်။ Indesign နဲ့ပတ်သက်ရင်တော့ အားလုံးက ဆရာကြီးတွေပဲ။ အဲဒါက ဒီမှာ Graphic Designer အများဆုံးသုံးကြတဲ့ ဆော့ဖ်ဝဲတွေပဲ။ Version ကတော့ CS4 ဆိုတဲ့ အမြင့်ကြီးတွေ မသုံးနိုင်သေးပါဘူး။

(၂)ကာလာသီအိုရီ
နောက်တစ်ခုက အရောင်။ အရောင်တွေနဲ့ ပတ်သက်ပြီး မင်းနဲ့ငါနဲ့ပြောခဲ့သလိုပဲ ပတ်ဝန်းကျင်ဒေသက အရောင်တွေကို စိုးမိုးထားတယ်ဆိုတာလေကွာ..။ ဥပမာ ကုလားတွေက အစိမ်းကိုကြိုက်ကျတယ်။ အဲဒီအစိမ်းကိုပဲ ဂျပန်တွေက တစ်မျိုး၊ မကြိုက်ကျပြန်ဘူး။ ငါတို့ဆီမှာ တချို့က အနက်ရောင်ကို မကြိုက်ကျသလိုပေါ့ကွာ။ ပြီးတော့ မြန်မာမှာ အများစုက အရောင်ကို ဂရုမစိုက်ကြဘူး။ အရောင်တောက်တောက်ကြီးတွေ သုံးကြတယ်။ ဒီမှာ အဲလိုမသုံးကြဘူး။ pantone colour တွေကို အသုံးများတယ်။ ငါမှာ Graphic Design ကိုလည်း လေ့လာခဲ့ရပြန်တော့ ငါ့ထက်ဒီဇိုင်းပိုတော်တဲ့ မင်းကို ဒီကိုလာခဲ့စေချင်တာပါ။ Color Theory ကိုလည်း ဘာသာရပ်တစ်ခုသဖွယ် ငါတို့ စနစ်တကျလေ့လာရပါမယ်။

(၃) Typography
နောက်တစ်ခုက Typography.. အဲအပိုင်းမှာ အဓိကအသုံးများတာကတော့ ငါတို့အကြိုက် Helvetica font ပဲကွ။
ဖောင့် အထူအပါး၊ အကျဉ်းအကျယ်၊ အစောင်းအတည့်၊ ဖောင့်ကာလာ၊ ပြီးတော့ Line Height, Line Spacing တွေ..။ အဲဒီနေရာမှာ ငါတို့မြန်မာတွေက မြန်မာဖောင့်တွေအများဆုံးသုံးလာခဲ့ကြတာ။ ဒီမှာ English နဲ့ Chinese Font တွေပဲ သုံးကြတာဆိုတော့ အနည်းငယ်တော့ ကွာခြားသွားမယ်။ ငါထင်တယ် ဒါကလည်း မင်းအတွက်သိပ်အရေးမကြီးပါဘူး။ ဒါပေမယ့် မင်းသိထားသင့်တယ်။ ဒီမှာကတော့ Typography ဆိုတာကလည်း ဘာသာရပ်တစ်ခုပဲလေ။ သူကို သီးသန့်ထပ်လေ့လာရမယ်ကွာ။ Typography နဲ့ ပတ်သက်ပြီး ဆိုက်တွေလည်းရှိပါတယ်။ ငါလဲ တတ်နိုင်သမျှ လေ့လာထားတဲ့ဆိုက်လေးတွေ တင်ပေးပါ့မယ်။

(၄) Measurement, File Format, Layout and Color Separation
Measruement အပိုင်းမှာတော့ ဒီမှာ cm, mm(မီလီမီတာ)ကို သုံးတယ်။ အဲဒါလေးလဲ သတိထားလာခဲ့ကွာ။ ခန့်မှန်းရတာ မလွယ်ဘူးကွ။ အဲဒါလဲ ငါတို့ မြန်မာနဲ့ ခြားနားချက်တစ်ခုပဲလေ။ နောက်တစ်ခုက ဖိုင် format တွေ။ Indesign file format ကနေ pdf file formal အဖြစ်နဲ့ နောက်ဆုံးအဆင့်မှာ ထွက်မယ်လေကွာ။ အဲဒီတော့ Indesign ကို save တဲ့အခါ ဘယ်လိုပုံစံတွေနဲ့ save မယ်ဆိုတာတွေကို လေ့လာပါ။ layout ပိုင်းကတော့ ကွာတယ်ကွာ။ ဒီက ဒီဇိုင်း sample တွေကို ကြည့်ရင်မင်းသိပါလိမ့်မယ်။ ဒီက flyer တွေ၊ Mailer တွေ၊ Broucherတွေ၊ မြင်ရင် အဲဒီ layout Design တွေကို လေ့လာပါ။

(၅) ဘာသာစကား
သူငယ်ချင်းရေ..ဘာသာစကားက ဒီမှာအရေးကြီးဆုံးပဲကွာ။ တခြားသူတွေထက် ဂရပ်ဖစ်ဒီဇိုင်နာတွေက ပိုပြီးအရေးကြီးပါတယ်။ client တွေ၊ customer တွေနဲ့ ဆက်ဆံရတဲ့အခါ သူတို့လိုချင်တာတွေ ကိုယ်လုပ်ပေးမယ့်အရာတွေ ပြောကြဆိုကြတဲ့အခါ၊ အရေးပါလာတယ်။ ငါတို့ မြန်မာပြည်မှာတောင် တို့တစ်တွေ တခါတလေ လိပ်ပတ်လည်အောင်ပြောကြဆိုကြရတာတွေ ရှိတယ်လေ။
ဒီမှာ client အများစုက chinese တွေဆိုတော့ တရုတ်စကားပြောတတ်ရင်တော့ အကောင်းဆုံးပေါ့။ ဒီမှာ မြန်မာဒီဇိုင်းနာတွေအတွက် ကွာဟချက်တစ်ခုက ပြောဆိုဆက်ဆံမှု ဘာသာစကားဖြစ်နေတယ်ကွာ။

မောင်ထင်ရေ..
ငါက Graphic Designer တစ်ယောက်မဟုတ်ပေမယ့် အဲဒါတွေကိုလည်း လေ့လာခဲ့ရတော့ ငါသိသလောက်၊ ငါမြင်တွေ့သလောက်လေးကိုတော့၊ မင်းကို ပြောပြခဲ့ပီးပြီ။ ဒီထက် ပိုလေ့လာပြီးရင် ငါမင်းကို ပြောပြပါအုံးမယ်။ မင်းလဲ ငါ့ဆီကို အီးမေးလ်ပို့အုံးလေကွာ။ နောက်တစ်ခုကျန်နေတာက ငါအခု Apple ကွန်ပျူတာကိုသုံးနေရတယ်။ OS က Mac OS X လေကွာ။ ဒီမှာ Designer တွေက Apple ကို သုံးကြတယ်။ အဲဒီတော့ ငါတို့၊ မင်းတို့ Window ကိုသုံးပြီး နှိပ်လာခဲ့တဲ့ Window Shortcut နဲ့ Application Shortcut တွေက ဒီနေရာမှာ သတိထားရလိမ့်မယ်။ shortcut key တွေက အကျင့်ပါနေတော့ အစပိုင်းမှာ ဂရုစိုက်ရမယ်လေကွာ။

နောက်မှပဲ ဆက်ရေးတော့မယ်..သူငယ်ချင်းရေ..။
ဘာပဲဖြစ်ဖြစ် ဒီကိုလာဖို့တော့ ကြိုးစားကွာ။ အဲဒီမှာ မင်းလည်း အတွေ့အကြုံလုံလုံလောက်လောက်ရှိခဲ့ပြီးပဲ။ ငါလည်း လိုအပ်တာလေးတွေကို လှမ်းပြောပြပါမယ်။
မင်းရဲ့လုပ်ငန်းတွေလဲ အဆင်ပြေပါစေလို့ ငါဆုတောင်းပေးပါတယ်။

မင်းရဲ့ချစ်သူငယ်ချင်း
ဆောင်းချမ်းမိုး